Amnesty International ávžžuha Suoma fas gieđahallat ođđa sámediggelága boahttevaš ráđđehusprográmmas.
Amnesty muittuha ahte ON gozihanorgánat leat cuiggodan Suoma stáhta das go rihkku sápmelaččaid rivttiid.
– Berre ráđđehusprográmmii čállojuvvot ahte sámediggelága ođasmahttima ferte joatkit, go lea hoahppu dainna áššin, čállá Amnesty International Suomas.
Amnesty International oaivvildit ahte Suopma buoridivččii sápmelaččaid iešmearrideami sámediggelága ođasmahttimiin. Danin leat čállán 25 sierra čuoggá das main áššiin Suomas lea dárbu buoridit olmmošrivttiid.
Dasa gusket maiddái álgoálbmotrievttit, ja maiddái sohkabeliid gaskasaš dásseárvvu, báhtareaddjiid rivttiid ja dálkkádatdoaimmaid, dieđiha Amnesty International Suomas.
