FeFo direktevra ávžžuha stivrra juolludit ruhtadeami gozihit ciebaniid.
Finnmárkkuoppmodagas (FeFo) lea stivračoahkkin skábmamánu 27. beaivvi gos galget meannudit ášši «ciebaniid goziheapmi» . FeFo direktevra Jan Olli árvalusevttohusas áššái lea ahte FeFo juolluda 224 000 ruvnno COAT:i (Árktalaš duoddariid dálkkádat-egologalaš observatorium, Romssa universitehta) , vai sáhttet ásahit ciebaniid gozihanstašuvnna Sis-Finnmárkui, namalassii Guovdageainnu suohkanii.
Nasjonala gozihanprográmma
Birasdirektoráhtta lea mearridan ásahit nationála ciebaniid gozihanprográmma fuođđokámeragilláriiguin maid COAT ovdánahttá.
Dán jagi leat álggahan goziheami dáin guovlluin: Finse, Dovrefjell, Børgefjell, Joatkka ja vel Komagdalen Várggáin.
COAT dat lea váldán oktavuođa FeFoin sávaldagain gozihit ciebaniid Guovdageainnus.