Avinor ávžžuha mátkkošteddjiid boahtit girdihápmánii nu go dábálaččat. Dán rádjái orru leamen dušše Oslo girdišillju masa ekstremadálki čuohcá.
– Iđitrusha lea mannan hui bures. Leat bures ráhkkanan dása ja mis lea bargoveahka sajis, dadjá Oslo girdihápmana gulahallanhoavda Harald Kvam NTB:i.
Vuossárgga vurdojuvvo ahte ekstremadálki Hans olle Østlándii. Kvam muitala sii leat čađahan doaibmabijuid.
Dán rádjái orru leamen dušše Oslo girdišillju masa ekstremadálki čuohcá.
– Dat mii sáhttá geavvat lea ahte šaddet gáržžideamit oainnádagas, ja danin šaddet stuorát gaskkat girdiid gaskkas. Dat sáhttá dagahit ahte leat maŋŋoneamit, muhto galgá leat hui heittot ovdal go girdišillju giddejuvvo, dadjá Kvam.
Son bivdá mátkkošteddjiid boahtit nu go lea plánejuvvon, ja čuovvut dieđuid girdifitnodagain.
– Mátkkošteaddjit galget aŋkke leat oadjebasat das ahte sihkarvuohta boahtá ovddemuš. Jus girdi manná, de lea oadjebas girdit, lohká son.
(©NTB)
