Mearreáigi dálá rektorii nohká fargga. UIT soaitá rievdadit ja álget virgádit rektoriid.
UIT Norgga árktalaš universitehta rektor Anne Husebekk ja earát válljejuvvon jođihangottis lea válljejuvvon mearreáigái, mii nohká suoidnemánu 31. beaivvi 2021.
Dál galgá universitehtastivra meannudit galget go ain čuovvut seamma málle, vai álget go virgádit ámmáhiidda.
– Universitehtastivra lea mearridan ahte čađahit gulaskuddama giđđat, dadjá universitehtadirektevra Jørgen Fossland.
Ášši meannuduvvo geassemánus. Lágalaččat lea vejolašvuohta guovttegeardánis jođiheapmi ásahusas gos válljejuvvon rektor lea maiddái universitehtastivrra jođiheaddji, dahje oktasaš jođiheapmi gos lea virgáduvvon rektor ja olgguldas stivraláhttu lea stivrrajođiheaddji. Jus meannuduvvo virgáduvvot rektor, de lea Máhttodepartemeantta gii nammada stivrrajođiheaddji.
