Arctic Race of Norway lágideaddji ii hálit ahte sihkkelgilvu galgá čađahuvvot gehččiid haga. Danin ii lágiduvvo dát Davvi-Norgga gilvu dán jagi.
Dalle maŋiduvvo gilvu 2021 jahkái, ja šaddá seamma láhttokárta go mii dán jagi galggai leat.
– Go lea gáržžádus 500 oassálastái, dalle ii leat hállu dahje vejolašvuohta čađahit doaluid. Danin mii maŋidit doaluid boahtte jahkái, dadjá Arctic Race of Norway beaivválaš jođiheaddji Knut-Eirik Dybdahl.
Norggas gildet doaluid main leat badjel 500 geahčči gitta čakčamánu 1. beaivái. Gilvu lea njealji oasis, man álggahit Romssas ja moalla lea Hársttáin.
(©NTB)
