Háliidat go geahččat Ávvira njuolggosáddaga – muhto dus ii leat go báberaviisadiŋgojupmi, it beasa iežat siidui dahje muhtin eará váttisvuohta čuožžila? Huma Anne Groain, son veahkeha!
Lávvordaga 26.02 diibmu 20:00 sádde Ávvir njuolggosáddaga Kárášjogas Juoigalasaid searvvi juoigangilvvus «Juoiganjietna». Ovdalaš gilvvu, diibmu 19:00, sádde Ávvir maiddái studiosáddaga gos muhtin juoigalasat muitalit luođi birra.
Jus don it leat Kárášjogas doaluin, de sáhtát visot oaidnit iežat Ávvira siiddu bokte. Jus dus ii leat go báberaviisadiŋgojupmi dahje it beasa iežat siidui sisa, de lea Ávvira bargi Anne Gro Gaup vuordime du ságaid.
Ávvira IT-ovddasvástideaddji Per Christian Biti čilge ahte Ávvir berošta iežas lohkkiin olu, ja dan dihte lea ge bidjan earenoamáš návccaid lávvordateahkedii.
– Dakkár stuora sáddagiid háliidit olusat geahččat, ja dávjá go leat nu olusat, de sáhttá muhtin bártidit sisabeassamiin, lohká Biti.
Geahčes fal doaibmá go siidu ovdal go sátta álgá
Ávvira IT-ovddasvástideaddji Per Christian Biti ávžžuha olbmuid geahččalit mannat iežaset siidui ovdal go sátta álgá, amas ollet riŋgestit Anne Groai jus váttisvuođat čuožžilit.
– Buot mii guoská sisabeassamii gulahallet Anne Groain. Sáhttá ahte ii muitte iežas beassansáni, dahje ahte ii dušše beasa sisa, lohká Biti.
Ná gulahalat Anne Groain lávvordateahkeda:
Anne Groai sáhttá riŋget diibmu 18:00 rájes dassážii go juoigangilvvu njuolggosátta álgá, ja su ságaide beasat juogo Facebooka, maila dahje telefovnna bokte.
– Sáhttá juogo čállit Ávvira Facebook siiddu bokte, Ávvira mailii abonnement@avvir.no dahje riŋget Anne Groa telefonnummárii: 947 84 095.
