Mánnodaga 20.11.23 dii. 14 rájes fertejit buot avvir.no-abonneanttat ođastit sisabeassansáni/koda, muđui eai beasa plussa-áššiid lohkat.
Sisabeassansáni ođasta go coahkkala «Vajálduhttán beassansáni» ja čuovvu bagadusaid viidáseappot.
Sáhttá bidjat fas seamma sisabeassansáni go lea leamaš, dahje válljet áibbas ođđa.
Ávvira IT-ovddasvástideaddji Per Christian Biti muitala ahte dát ferte dahkkot danne go fitnodat mas Ávvir oastá neahttabálvalusa, galgá lonuhit sisabeassanvuogádaga.
– Mii šállošit go ná šaddá, muhto sávvat ahte de buorrána ge geavaheaddjevásáhus dan maŋŋel. Dát ii leat váttis, lea dušše sisabeassansáni ođastit, dadjá Biti.
Avvir.no:i bohtet eanet bagadusat ja dieđut dan birra.
Buot abonneanttat galget ožžon maila bokte dieđuid dán birra, sihke sáme- ja dárogillii.
Jus čuožžilit váttisvuođat, de lohká Biti ahte sáhttá váldit oktavuođa kunddarbálvalusain, juogo čuojahit telefovdnii 934 40 700 dahje čállit maila čujuhussii abonnement@avvir.no.
