Finnmárkku politiijat leat doallan guokte leaktobearráigeahču duorastaga Álttás ja Sieiddituneallas.
Finnmárkku politiijaguovllus dieđihit Twittera/X bokte ahte johtolatpolitiijat leat lágidan guokte bearráigeahču ja sáhkohan oktiibuot 18 biilavuoddji duorastaga.
Álttás bearráigehčče johtolatpolitiijat johtolaga Joganjálmmis gos leaktomearri lea 30 km/t. Logi biilavuoddji sáhkohalle ja okta massii biilakoartta go vujii 57 km/t.
Sieiddituneallas sáhkohalle gávcci biilavuoddji go rihkko leaktomeari mii lea 80 km/t. Alimus leaktu mihtiduvvui 112 km/t.