Oulu universitehta Giellagas-instituhtta almmuha nuortalašgiela ja davvisámegiela digitála sátnegirjjiid.
Davvisámegiela-suomagiela digitála sátnegirjji giehtačállosa lea čállán emeritusprofessor Pekka Sammallahti iežas 1989 ja 1993 prentejuvvon sátnegirjjiid vuođul. Digitála sátnegirji sisdoallá badjel 50 000 ohcansáni ja čálli lasiha sániid ain dađistaga.
Sammallahti sátnegirji almmuhuvvo Romssa universitehta Divvun-projeavtta vuolážis.
Suopma-nuortalašgiella-sátnegirji
Ođđa suopma-nuortalašgiella -sátnegirjjis suomagiel ohcansánit leat badjel 16 000 ja nuortalašgiel sátnevástagat lagabui 19 000. Dat sátnegirji fas almmuhuvvo Romssa universitehta giellateknologiija guovddáža, Giellatekno, vuolážis.
Suopma-nuortalašgiella -sátnegirjji deaddiluvvon veršuvdna, mas ohcansánit leat suomagillii, almmuhuvvo jagi 2020 loahpas.
Sammallahti davvisámegiel sátnegirjji prentemis ii leat vel dahkkon mearrádus.
Goappáge sátnegirjji doaimmahanbargu lea dahkkojuvvon eanaš dainna sierra ruhtademiin, man Oahpahus- ja kulturministeriija lea juolludan. Giellagas-instituhtas lea riikaviidosaš ovddasvástádus ordnet ja ovddidit sámegiela ja sámi kultuvrra alimus dási oahpahusa ja dutkama Suomas.
