-Almmuhus-
SMÁVVAOĐĐASATNäkkäläjärvi ohcan professora virgái

Näkkäläjärvi ohcan professora virgái

-

-

Giellagas-instituhttii, Oulu universitehtas Suomas, ohce guokte professora, nubbi sámegielas ja nubbi fas sámekultuvrras.

Sámegiela oahpahus álggii Oulu universitehtas 1970:s suomagiela instituhtas. 2004 rájes lea Giellagas-instituhtta leamaš Oulu universitehta humanisttalaš dieđagotti sierra ovttadat..

Dál Giellagas-instituhttii leat ohcan guokte professora. Sámi kultuvrra professorin ohce njealjis ja sámegielaid professorin fas golmmas, dieđiha Yle Sápmi. 

Sámiid kultuvrra professoran ozai Suoma ovddes sámediggepresidenta ja politihkkar Klemetti Näkkäläjärvi, ja earát geat ohce virgái leat  Laura Orvokki Junka-Aikio, Marko Jouste ja Hanna Ellen Guttorm.

Sámegielaid professoran ges ohce Ánde Aikio, Ilona Kivinen ja Marja-Liisa Olthuis.

Čavčča bealde válljejit gean virgadit. Ohcamušaid árvvoštallet áššedovdit ja dat váldá ollu áiggi, muitala Oulu universitehta Humanisttalaš dieđagotti dekána Paula Rossi.

-Almmuhus-