Seaguhus delta ja omikrona variánttain lea dagahan vuorjašumi Ruoŧas maŋimuš áiggi, muhto Álbmotdearvvašvuođainstituhtta ii bala das.
– Dainna eat vuorjašuvvo nu olu. Lea jáhkehahtti ahte dákkár seaguhusvirusis lea stuorát leavvannákca go omikron BA. 2-virusis, mat leat Norggas dál. Mii čuovvut gal ovdáneami, vai oaidnit lea go dán variánttas eará njoammunváikkuhusat dahje čuohcá go buozalmasvuohta earáládje, čállá Karoline Bragstad Álbmotdearvvašvuođainstituhtas e-poastta bokte NTB:i.
Son lasiha vel ahte dán rádjái ii leat duođaštuvvon deltakron Norggas.
(©NTB)