Jus livččii sámediggeválga ihttin, de livččii NSR eanetlogus. Sámediggepresideanta Vibeke Larsen (Bb) jáhkká loguid čájehit jienasteddjiid mávssaheami.
Jus livččii sámediggeválga ihttin, de livččii NSR eanetlogus. Sámediggepresideanta Vibeke Larsen (Bb) jáhkká loguid čájehit jienasteddjiid mávssaheami.
SÁPMI: Sentio Research Norge AS fitnodat ráhkada oaiviliskkadeapmi NRK Sámi ovddas, čállá NRK Sápmi. Logut čájehit ahte jus livččii sámediggeválga, de livčče Norgga Sámiid Riikkasearvi (NSR) ja Sámi Álbmotbellodat (SáB) ožžon 40,6 proseantta jienain ovddit sámediggeválgga 29,5 proseantta ektui.
Bargiidbellodat (Bb) massii 2,6 proseantta jienain mannan oaiviliskkadeami ektui ja oažžu dušše 28,2 proseantta jienasteddjiin doarjaga. Gažaldahkii gean jienasteaddjit háliidit sámediggepresideantan, de háliidedje 54.3 proseantta Keskitalo ja dušše 12.3 háliidedje Larsena.
– Lea illudahtti go álbmot mu doarju ja luohttá munnje vaikko Sámedikkis ii leat munnje luohttámuš, lohká ovddeš sámediggepresideanta Aili Keskitalo.
– Go oaiviliskkadeami logut čájehit ahte mii massit jienasteddjiid, de jáhkán mii muhtin láhkai ráŋggáštuvvot, lohká dálá sámediggepresideanta Vibeke Larsen.
Sámediggeválgga iskkadeapmi juovlamánu 2016
| Bellodat | Čakčamánnu 2016 | Juovlamánnu 2016 | Erohus |
| Bb | 30.8 | 28.2 | -2.6 |
| Árja | 4.1 | 4.1 | 0.0 |
| Dáloniid Lista | 1.3 | 0.8 | -0.5 |
| NSR/SÁB oktasašlistu | 6.6 | 8.1 | 1.5 |
| Ovddádusbellodat | 8.3 | 6.5 | -1.9 |
| Olgešbellodat | 9.2 | 5.4 | -3.9 |
| Johttisápmelaččaid lista | 3.2 | 2.3 | -0.9 |
| Davvikalohta álbmot | 3.6 | 4.3 | 0.7 |
| Norgga Sámiid Riikkasearvi | 22.9 | 32.5 | 9.5 |
| Guovddášbellodat | 3.6 | 3.1 | -0.4 |
| Åarjel-Saemiej Gielh | 1.2 | 0.8 | -0.3 |
| Earát | 5.1 | 3.8 | -1.3 |
