Finnmárkku politiijat dieđihit ahte Čáhcesullo mánáid- ja nuoraidskuvla lea ožžon áitagiid e-boastta bokte Pride-oahpahusa dihte.
Finnmárkku politiijat leat dutkagoahtán ášši ja e-boastta mii lea sáddejuvvon skuvlii. Skuvla dieđihii áitaga politiijaide. Skuvla mearridii giddet skuvlla odne. Dan čállet Finnmárkku politiijat preassadieđáhusas.
– Mii dutkat ášši ja geahččalit gávdnat sáddejeaddji. Mii eat háliit almmuhit e-boastta sisdoalu. Eanet eat háliit kommenteret justá dál, dadjá Finnmárkku politiijaguovllu operašuvdnajođiheaddji Bjørn Tormod Syversen preassadieđáhusa bokte.
