Ođđa našuvnnalaš geahččaleamis háliida Oahpahusdirektoráhtta árvvoštallat ohppiid čálalašvuođa ja láhttenvuogi árvosániid haga.
– Árvosánit ortnegis ja láhttenvuogis váldet dál vuolggasaji das maid oahppit eai galgga dahkat/eai hálddaš. Dainna dat earuhuvvojit eará fágaid árvosániin. Mii háliidit dáinna geahččalemiin iskat eará vugiid mo sáhttit árvvoštallat ohppiid ortnega ja láhttenvuogi, go dan ahte addit ohppiide árvosániid, čállá Oahpahusdirektoráhtta Utdanningsnytt dieđuid mielde.
Sii leat dál ohcame skuvlaeaiggádiid ja friddjaskuvllaid mat háliidit searvat geahččaladdamii.
Vaikko árvosátni váldo eret, de galget oahppit ain árvvoštallojuvvot. Sii fertejit baicce geavahit eará vugiid mo addit ohppiide máhcahaga. Ovdamearkan dasa sáhttet leat ohppiidságastallamat.
(©NTB)
