Dál lea 10. jahki go «Juohke beallji lohkko» kampánja lágiduvvo.
HLF (Hørselshemmedens Landsforbund) dieđiha preassadieđáhusa bokte ahte kampánjja mihttu lea buoridit máhtu movt lea eallit gullováttisvuođaiguin.
Dán jagi bidjet fuomášumi dasa ahte miljovnna olbmos Norggas leat gullohástalusat.
– Mii háliidit fuomášuhttit mo lea birget heajos guluin ja mii sáhtášii veahkehit vai beaivválaš eallin šattašii geahppaseabbo.
Bohtet Guovdageaidnui
Dasa lassin dieđihit maiddái ahte sii bohtet Guovdageidnui Rema 1000 olggobeallai geassemánu 30. beaivvi ságastallat gullohástalusaid birra, nu go gulu hedjoneami birra, tinnitus ja ménières birra.
– Mii fállat eaŋkalis gulloiskkadeami, čállá HLF iežaset preassadieđáhusas.
