RKBU Nord čađaha iskosa mo nuorat vásihit diehtojuohkima koronavirusa birra, ja mo koronavirus váikkuha nuoraid.
– Jáhkkit dán iskosa addit dehálaš dieđuid dan birra må nuorat vásihit diehtojuohkima. Bohtosat iskosis ovdanbuktojuvvot raporttas RKBU Nord neahttasiidduin, ja mii juohkit maid bohtosiid Norgga dearvvašvuođaeiseválddiide, lohket iskosa dutkit, vuosttašamanueansa Henriette Kyrrestad, postdoavttir Sabine Kaiser ja professor Monica Martinussen.
Nuorat sáhttet searvat
Dát dilli koronavirusa ektui váikkuha buot mánáid ja nuoraid árgabeaivvi, ja duogáš dán iskosii lea gávnnahit mo nuorat vásihit diehtojuohkima, makkár dieđuid váillahit ja mo dilli váikkuha sin. Iskkus čađahuvvo gažaldatskovi čađa, masa nuorat gaskkal 16 ja 19 jagi sáhttet searvat UiT neahttasiidduin.
