Kárenaš Sámi Giella- ja kulturguovddáš bovde álbmoga boahtit spáppa časkit Niitoguolbanii, Kárášjogas, duorastat eahkedis.
Kárenaš Sámi Giella- ja kulturguovddáš Kárášjogas lágida fas spábbačaskima suoidnemánu 8. b. 2021, guđa rájes eahkedis ja doalut bistet nu guhká go oasseváldit nagodit spáppastallat, iige mávsse maidege, muitalit árbevirolaš spábbačaskimalágideaddjit.
Spábbačaskin kroattain heive buot ahkásaččaide, mánáide, nuoraide, ollesolbmuide ja easkkaálgiide.
Spábbačaskin lea Niitoguolbanis, Niitohárjji valáštallanhálla bálddas. Bagadalli dán jagi lea maid spábbačiekčanšilju bánameašttir Jens Åge Holmestrand.
– Jus it máhte spábbačaskin njuolggadusaid, de oahpaha Jens Åge Holmestrand daid dutnje, lohká lágideaddji.
Sii muitalit sii lágidišgohte dáid spábbačaskimiid mannan geasi ja dán geasi ledje vuosttaš doalut Jonssotbeaivvi.
– Mii guossohat juhkamuša: sáftta, bruvssa, káfe ja teaja/kakao. Váldde ieš niestti fárrui, jos háliidat juoga boradastit. Sáhtát bassit márffi dollasajis. Dáiddát maid stuolu ja čuoikavuoidasa dohppet fárrui, lasiha lágideaddji Kárenaš Sámi Giella- ja kulturguovddáš.
