Ovtta oahppis Tromssa joatkkaskuvllas lea duođaštuvvon tuberkulosadávda.
Oahppi oažžu dál divššu Universitehtabuohcceviesus Davvi-Norggas. Gielda dieđiha ahte oahppi lea dearvvašmuvvame.
Sullii 90 olbmo dán skuvllas leat leamaš oahppi lagasoktavuođat, vuosttažettiin mieloahppit ja oahpaheaddjit. Gielda váldá oktavuođa buot lagasoktavuođaiguin.
Tuberkulosadávda njoammu go gossá dahje go vuoigŋá smávvá goaikkanasaid main lea tuberkulosabakteara.
– Galgá leat hui lahka ovdal dávda njoammu. Danin dáhpáhuvvá njoammun dávjjimus bearrašiin, muhto sáhttá maid njoammut ohppiid gaskka, geat leat olu fárrolaga. Dan háliidit mii iskat, dadjá njoammueastadanváldodoavttir Trond Brattland Tromssa gielddas.
(©NTB)
