Eai leat goassege ná olusat ohcan saji riikka universitehtaide ja allaskuvllaide. Dán jagi leat badjel 154 000 olbmo ohcan oahpposaji.
Dat leat 3 304 eambbo go olahusjagi 2020, ja lassáneapmi 2,2 proseanttain. Dasa lassin leat masá 13 000 ohcan saji fágaskuvlii.
– Lea hui buorre ahte olusat háliidit alit oahpu. Vásáhusat ovddeš heahtediliin čájehit ahte eambbosat háliidit gazzat oahpu go áiggit leat heajut. Dan oinniimet diibmá, ja dan oaidnit dán jagi. Norgga Máhttonašuvdnii leat buorit ođđasat go mii dárbbašit eambbo jierbmás oivviid buot sektoriin, dadjá dutkan- ja alit oahppoministtar Henrik Asheim (O), preassadieđáhusas.
