Vuosttaš koronaboahkut sáhttet boahtit Norgii juovlaruohta. Dalle sáhttá vuosttaš boahkuid Norggas bidjat juovlamánu 27. beaivvi, dadjá stáhtaministtar Erna Solberg (O).
– Lea somá go vuosttaš dohkkehuvvon koronaboahkut sáhttet boahtit Norgii juovlaruohta juo. Norga álggaha boahkuheami seammás go eará eurohpalaš riikkat. Mii leat bures plánegoahtán dan Norggas ja buot gielddain galget čielga plánat boahkuheapmái juovlamánu 18. beaivvi rájes, dadjá stáhtaministtar preassadieđáhusas.
Jos boahkut dohkkehuvvojit geavaheapmái Norggas ja EU:s, de álggahuvvo EU-kommišuvnna dieđu mielde boahkuheami oktanaga buot eurohpálaš riikkain juovlamánu 27., 28. ja 29 beaivvi.
Boahkut maid Norga lea oastán leat Pfizer-Biontechs covid-19-boahkut.
