Politiija dárkkistii mannan bearjadaga johtolaga Kárášjogas. 11:s sáhkkohalle álkes sáhkuin go ledje vuodján menddo johtilit.
Finnmárkku Politiija dieđiha Twittera bokte ahte mannan bearjadaga dárkkistedje johtolagaleavttu Kárášjogas 60 km/t.
11 biilavuoddji ožžo álkes sáhku go ledje vuodján menddo johtilit, johtilamos leaktu lei 80 km/t.
Sahtedohko vuodjin
Finnmárkku Politiija dieđiha Twitter bokte mannan sotnabeaivvi ahte olu olbmot váidalit sidjiide go olbmot vudjet sahtedohko mopedaiguin, geahppasihkkeliiguin, njealjejuvllagiiguin olu báikkiin Finnmárkkus.
Politiija ávžžuha dáid sahtedohkos vuddjiid lága čuovvut go leat johtolagas.
Verrošan identitehaduođaštusain
Finnmárkku Politiiija dieđiha Twitter bokte mannan sotnabeaivvi ahte sii leat váidán muhtin nuorra albmá, vuollel 20-jahkásačča, go lea geavahan nuppi olbmo identitehtaduođaštusa.
Gužžasáhka Hámmárfeasttas
Finnmárkku Politiija dieđiha Twitter bokte mannan sotnabeaivvi ahte muhtin badjelaš 30-jahkásaš almmái váido go lea gužžan almmolaš báikkis Hámmárfeasttas.
Muosehuhttán olbmuid juhkanvuođas
Finnmárkku Politiiija dieđiha Twittera bokte mannan sotnabeaivvi ahte sii leat bidjan guokte albmá butkái go leaba rikkeren juhkanvuođas Elvestrand báikkis.
Soai leaba muosehuhttán sihke guolásteddjiid ja olbmuid geat das gohttejedje.
Biddjui butkái
Finnmárkku Politiiija dieđiha Twittera bokte mannan sotnabeaivvi ahte sii lea bidjan muhtin badjelaš 30-jahkásaš nissonolbmo butkái go lea láhtten unohasat ja leamaš veahkaválddálaš politiija vuostá Álttás.
Gužžasáhka Čáhcesullos
Finnmárkku Politiiija dieđiha Twittera bokte mannan sotnabeaivvi ahte muhtin badjelaš 40-jahkásaš almmái lea váidon go lea gužžan almmolaš báikkis Čáhcesullos.
Ii bisánan politiija dárkkisteamis
Finnmárkku Politiiija dieđiha Twitter bokte mannan sotnabeaivvi ahte muhtin biilavuoddji gii vujii smávva biilla, ii bisánan go politiija dárkkistii johtolaga Deanus.
Biila gávdnui maŋŋelaš ihkku, muhto biilavuoddji haga. Politiija čuovvula ášši.
Bilidan biilla ja viesu
Finnmárkku Politiiijadieđiha Twittera bokte mannan sotnabeaivvi ahte vižže muhtin badjelaš 20-jahkásaš albmá Hámmárfeasttas.
Son váido go lea bilidan muhtin biilla ja viesu Hámmárfeastta guovddážis.
Doarrun Guovdageainnus
Finnmárkku Politiiija dieđiha Twittera bokte mannan sotnabeaivvi ahte sii leat dolvon muhtin abdjelaš 20-jahkásaš albmá Guovdageainnu dearvvašvuođaguovddážii go son galgá seaguhuvvon doarrumii olggobealde muhtin olgobáikki Guovdageainnus.
Almmái ii leat bahuid roasmmehuvvan. Politiija ii dieđe mii lea dáhpáhuvvan.
Áitán ja veagal dolvon biilii
Finnmárkku Politiiija dieđiha Twittera bokte mannan sotnabeaivvi ahte sii leat váldán gitta muhtin badjelaš 30-jahkásaš almmáiolbmo ja badjelaš 20-jahkásaš nissonolbmo Leavnnjas go leaba áitán muhtin badjelaš 20-jahkásaš albmá ja váldán su veagal mielde muhtin biilii.
Massii vuodjinkoartta
Finnmárkku Politiiija dieđiha Twittera bokte mannan sotnabeaivvi ahte sii bissehedje muhtin njealjejuvllatvuoddji gii geahččalii beassat eret dárkkisteamis.
Almmái gii lea vuollel 20-jahkásaš, lea váidon ja massán vuodjinkoartta.
Biila buollán Savvonis
Finnmárkku Politiiija dieđiha Twittera bokte mannan sotnabeaivvi ahte biila lea buollán Savvonis Álttás.
Smávva biila lei buollán vuojedettiin.
Ii oktage leat roasmmehuvvan, muhto biila lea oalát billašuvvan.