-Almmuhus-
OĐĐASATNisu gávdnon duššan Leavnnjas

Nisu gávdnon duššan Leavnnjas

-

-

Gaskavahku dieđihit politiijat Twittera bokte ahte leat ohcan Leavnnjas badjelaš 60-jahkásaš nissona, gii maŋimuš lea oidnon ikte.

Gaskavahku diibmu 10:36 dieđihit Finnmárkku politiijat ahte leat ohcan Leavnnjas badjelaš 60-jahkásaš nissona. Seamma beaivvi diibmu 08:19 ledje oapmahaččat ohcalan su.

Diibmu 09:32 gávdnui nisu Leavnnjajogas duššan. Politiijat eai háliit dadjat juste gokko lei, muhto sáhttet dadjat ahte ii lean guhkkin eret.

– Nisu galgá leamaš lahka ruovttu astoáigedoaimmaid dihtii, ja lea leamašan jođus ruoktot. Mii leat rahpasat, eat ge mii bala ahte lea vearredahku dáhpáhuvvan. Mii liikká dutkat ášši, vai gávnnahit manne lea jápmán, dieđihit Finnmárkku politiija operašuvdnaguovddážis Ávvirii.

-Almmuhus-