Gávccis leat ohcan beassat Gáldu operatiivvalaš redaktevran, Ávvira ovddeš váldodoaimmaheaddji, Anders J. Bals, lea okta dain.
Gávccis leat ohcan beassat Gáldu operatiivvalaš redaktevran, Ávvira ovddeš váldodoaimmaheaddji, Anders J. Bals, lea okta dain.
Gáldu almmuhii gieskat ahte sis lea rabas virgi operatiiva redaktevran, dál lea ohcanáigemearri dievvan.
Gávccis ohcan
Virgealmmuheamis čálle Gáldu ahte ohcet olbmo geas lea álgoálbmotfágalaš, juridihkalaš, gulahallanfágalaš dahje eará guoskevaš oahppu allaskuvlla dahje universitehta dásis.
– Go áigemearri dievai de ledje boahtá gávcci ohcamuša. Golmmas dain leat bivdán ahte sin namat eai almmuhuvvo, čállá Gáldu iežaset neahttasiiddus.
Gáldus lea áigumuš virgádit olbmo dán virgái ovdal go ođđajagi.
Ohccit leat:
Anders J. Bals (42), bargoveahkahoavda, Guovdageaidnu
Ann-Merete Solbakken (32), jurista, Áltá
Juhan Isak Siri (44), almmuhanráđđeaddi, Guovdageaidnu
Nina Merete Austad (34), ráđđeaddi, Čáhcesuolu
Silja Somby (44), filbmabargi, Guovdageaidnu
Nisu (46), Kárášjohka
Almmái (36), Kárášjohka
Almmái (39), Guovdageaidnu