Dál gáibiduvvo buoret sihkarvuohta beassat rukses sonaide girdišiljus ja Norgga girdihápmániin.
Dál gáibiduvvo buoret sihkarvuohta beassat rukses sonaide girdišiljus ja Norgga girdihápmániin.
Justiisa- ja gearggusvuođaministtar ja johtolatministtar háliideaba buoridit Norgga girdihápmaniid sihkarvuođa, ja ásahit dal dárkilit dárkkisteami bargiin geain lea beassanlohpi girdišiljuid sihkkarvuođabáikkiide.
Jus galgá beassat girdihápmaniid sihkarvuođaráji báikkiide (rukses sonii), de gáibiduvvo dohkkehuvvon duogáš áibmojohtolatgeahčus.
Okta dáin duogášiskosiin lea ráinnas politiijaduođaštus.
Guoská buohkaide
Áibmojohtolatgeahčču sáhttá gáibidit akkrediterema dáin geat galget bargat girdišilju sihkarvuođabáikkiin.
Vaikko lea dohkálaš duogášiskkus ovdalaččas, de liikká guoská dat sidjiide geat leat ovdalaččas barggus doppe ja dieđusge ođđa bargiide maid.
Rievdadus guoská láhkanjuolggadussii eastadan dihte sihkarvuođa girdihápmanis. Jus muhtin olmmoš ii oaččo akkrediterema, de galgá gieldit su mannamis dakkár báikkiide. Gáibádus akkrediteremii boahtá vel lassin dán dohkálaš duogášiskosa gáibádussii.
Johtolatministtar Ketil Solvik-Olsen lohká Norgga girdihápmanat galget leat sihkkarat ja mielčuovvut galget dovdat sihkarvuođa.
Akkrediteren
Politiijaregistara láhkanjuolggadusas § 38-5 čuožžu ahte sáhttá akkrediterema váldit jus galgá muhtin guovlluide gos bákkus lea sihkarvuođa dárkkisteapmi.
Akkrediteren lea ahte politiijat dárkkistit lea go olmmoš politiijaregistaris.
