Ávžžuha biilavuddjiid dahkat nu go guorbmebiilavuoddjit dahket.
Sidjiide geat vudjet bussiin ja guorbmebiillain lea geatnegahtton vuoiŋŋastanáigi. Lea váralaš váibat vuojidettiin. Danne lea dehálaš nohkastit jus dovdá ahte lea váibbas, oavvilda Trygg Trafikk.
– Geassi lea áigodat goas olbmot vudjet guhkes gaskkaid biillain. Vaikko vel leat čeahppi vuodjit, de sáhtta leat issoras vuodjit amas geainnuid alde. Jus dovddat nahkáriid bahkkeme vuojedettiin, nohkas 15 minuvtta. Guhkes biilamátkkis galgá váldit 45 minuvtta bottu juohke 4. diimmu, čilge Ole Rath, guovllujođiheaddji Trygg Traffik Vest-Agderis.
Trygg Trafikk rávvagat guhkes biilamátkkiide:
- Ale hohpohala. Luomu galgá návddašit.
- Váldde bottuid ja vanahala julggiid bures.
- Váibbas? Nohkas 15 minuvtta.
- Bora dearvvašlaš biepmu.
- Geavat biilaboahkána. Boagán galgá čavgat!
- Bija telefovnna eret go vuoját.
