Eambbo nissonolbmot go almmáiolbmot rahčet oađđinheađuštusain nu go insomni. Dan čájeha ođđa dutkamuš, mii leat kárten norgalaččaid oađđindábiid.
Ahte nissonolbmot rahčet eanet oađđinheađuštusain, lea čilgejuvvon biologalaččat ja kultuvrralaččat, dadjá dutki Ingvild West Saxvig.
Muhto erohusat oidnojit buorebut gaskal rávásmanagi ja ahkemolsuma, dadjá Saxvig.
– Dan áigodagas rumaš vásiha stuora fysiologalaš ja hormonalaš rievdademiid, nu go rávásmanagi, áhpehisvuođa ja ahkemolsuma. Dat rievdadeamit váikkuhit oađđimii, muhto eai leat vuos makkárge nana duođaštusat mat čájehit dan, lasiha dutki.
Danin go dutkamuša válljenmunni lea viehka unni, de lea Saxvig várrugas generaliseret bohtosiid vuođul.
