Norgga valáštallanlihttu ja prošeakta «Alle drømmer er like mye verdt» ožžot 7,5 miljovnna ruvnnu vai ovdánahttet eambbo ja buoret valáštallanfálaldagaid sidjiide geain leat doaimmashehttejumit.
– Ruhtadeapmi galgá váikkuhit lassi doaimmaide ja rekrutteremii báikkálaččat valáštallanjoavkkuin, muhto maiddái ovdánahttimii ja čađaheapmái jođiheaddjeovdánahttinprográmmas doaimmashehttejuvvon olbmuide. Dát šaddá vuosttaš geardde go Norgga valáštallanlihttu galgá čađahit jođiheaddjeovdánahttinprográmmas doaimmashehttejuvvon olbmuide, dadjá valáštallanpresideanta Zaineb Al-Samarai.
Ruhtadeapmi galgá geavahuvvot 2023–2026 áigodagas ja lea jurddašuvvon mánáide ja nuoraide gaskkal 7 ja 25 jagi. Jođiheaddjeovdánahttinprográmma boahtá ovddemuš fállojuvvot nuoraide ja de boarráseappuide.
