Dievdu duššai ásodatbuollimis Luleju gávpogis Davvi-Ruoŧas, dieđihit Norrbottena politiijat.
Lei disdaga eahkeda 21:45 go muhtin ásodat ássi Porsöas Lulejus havssii garra suovvahája ja dieđihii heahtevehkii.
– Go ollimet ásodatdállui, de oinniimet ahte ovtta ásodagas lei buollime. Doppe ásodagas mii gávnnaimet olbmo. Min vieččaimet su olggos ja son dolvojuvvui buohccevissui, muhto su heagga ii lean gádjumis, muitala Mikael Andersson Heahteguovddážis.
Ii lea vel diehtu mot ásodat buollái, muhto politiijat isket ásodaga dál.
