Sotnabeaivvi beaškkihii biila oktii guorbmebiillain E45 luottas, Davimus Ruoŧas.
Vuosttaš diehtu bođii 12-áigge sotnabeaivvi. Lei olgoriikka guorbmebiila mii lei beaškkihan oktii biillain gaskal Sohppara ja Vazáža E45 luottas, Davvi Ruoŧas, Girona gielddas. Guokte albmá leigga dán lihkohisvuođas.
Stuora heahteveahka sáddejuvvui lihkohisvuođabáikái, sihke ambulansa, politiijat ja gádjunveahka. Luodda lei gitta máŋga diimmu sotnabeaivvi.
Ruoŧa politiijat dieđihedje eahkesbeallái sotnabeaivvi ahte 50-jahkášas dievdu duššai biilalihkohisvuođas. Son lei eret Girona gielddas. Oapmahaččat leat dieđihuvvon.
Politiijat guorahallet dál lihkohisvuođa ja isket dál sihke biilla ja guorbmebiilla.
