Nissoniid spábbačiekčanguovddáš, mii ásahuvvui gieskat Romssa gávpogii, oažžu 42 miljovnna ruvnnu dutkamii.
Norgga Árktalaš Universitehta ja Romssa dutkamiidvuođđudus juolludeaba goabbá ge 21 miljovnna ruvnnu Nissoniid spábbačiekčanguovddážii Romssas.
Guovddáš lea gieskat ásahuvvon ja galgá ruđaid geavahit dutkat nissonspábbačikčiid.
– Spábbačiekčan lea Norgga stuorámus valáštallan nissoniid searvvis ja danin lea hui dehálaš dutkat sin fysalaš eavttuid vai nagodit ovddidit sin hárjehallama ja čehppodaga internationála dásis. Lea hirbmat mávssolaš ahte universitehta lea ásahan guovddáža nissonspábbačikčiid várás, dadjá Norgga spábbačiekčanlihttu elihtadirektevra Lise Klaveness preassadieđáhusas.
Unnán diehtu
Norgga Árktalaš Universitehtas galget golbma fakultehta ovttasbargat ja dutkat nissonspábbačikčiid fysiologiija, psykologiija ja medisiinna.
– Prošeakta lea dehálaš danin go nissonvaláštallamiid leat unnán dutkan, dadjá dutkamiidjođiheaddji Svein Arne Pettersen. (©NTB)
