Vearrodiehtu lea sáddejuvvon sullii vihtta miljovnna olbmuide. – Muitte iskat leat go dieđut riekta ja deavdde dan mii váilo, vai mávssát rievttes vearu, ávžžuha vearrodirektevra Nina Schanke Funnemark.
Vearrodiehtu maid dál leat ožžon lea masá gárvvis. Dus lea ovddasvástádus gárvet vearrodieđu ovdal go sáddet sisa ovdal áigemeari, mii lea cuoŋománu 30. beaivvi.
– Olusat fertejit lasihit dieđuid mat eai leat ovddalgihtii devdojuvvon, nugo geasus, liige dietnasat dahje árvvut eará riikkain. Danin lea dehálaš iskkat ahte buot dieđut leat riekta. Muhtumat maid fertejit lasihit dieđuid dahje rievdadit daid ovdal go sáddejit sisa, dadjá vearrodirektevra Nina Schanke Funnemark.
Jus dieđut vearrodieđus leat riekta, de ožžot 2,7 miljovnna olbmo oktiibuot ruovttoluotta 30 miljárdda ruvnnu. Gaskamearalaččat lea dát juohkehažžii 10 900 ruvnnu.
