90 proseantta sis geat leat váldán vuodjingeahččaleami leat ceavzán Finnmárkkus.
Stáhta geaidnodoaimmahat čađaha vuodjingeahččalemiid ja teoriijageahččalemiid sihkkarastin dihtii ahte buohkain lea dárbbašlaš gealbu ja oadjebasvuohta go leat johtolagas.
– Lea dehálaš elemeanta min oktilaš barggus olahit ahte ii oktage dušša ja roasmmehuva Norgga luottain, čállá Stáhta geaidnodoaimmahat preassadieđáhusas.
Finnmárkkus leat čakčamánu rádjái čađahuvvon 256 vuodjingeahččaleami, ja 90 proseantta sis cevze vuodjingeahččaleamis, gaskamearri ceavzit Norggas lea 77 proseantta. 137 sis geahččaledje biilakoartta vuodjingeahččaleami.
308 olbmo leat váldán teoriijageahččaleami, ja 55 proseantta kandidáhtan cevze teoriijageahččaleami.
Johtolatstašuvnnat
Leavnnja johtolatstašuvnnas leat čađahan 46 vuodjingeahččaleami, Álttás fas 133, Hámmerfeasttas 25, Čáhcesullos 27 ja leat čađahuvvon Girkonjárggas 25 vuodjingeahččaleame. Olles Norggas leat seamma áigodagas čađahuvvon 14 737 vuodjingeahččaleami.
