Dá lea 2023 čavčča smávvafuođđobivddu stáhtus dássážii.
Finnmárkkuopmodaga (FeFo) meahccehálddašeaddji, Christina Bjørkli, dieđiha ahte FeFo joatká dálá muddendoaimma olles smávvafuođđobivddu áigodaga.
– Golggotmánu 18. beaivvi čoahkkinasttiimet NJFF Finnmárkku ja Oarje-Finnmárkku loddebeanaservviin. Mii árvvoštalaimet bivdostatistihka ja dálá reguleremiid/muddendoaimmaid, lohká FeFo meahccehálddašeaddji, Christina Bjørkli preassadieđáhusas.
Báhčán dássážii 20 687 rievssaha
Olu bivdit leat báhčán vuollel 10 rievssaha guhtege, muhto eatnašat eai leat báhčán rievssaha. Dássážii leat bivdit dieđihan sii leat báhcán 20 687 rievssaha, mii lea lassáneapmi diimmá ektui. Bivdologut leat fágalaš rávvagiid siskkobealde. Gironbivdu lassánii maid dan áigodagas, oktiibuot 6 695 girona.
Bivdit leat dieđihan 27 968 bivdobeaivvi mii lea sullii 5 300 eanet diimmá ektui. 58 daid 136 bivdoguovlluin golggotmánu 12. beaivvi eai lean bivdokoarttat olggobeale Finnmárkku ássiide.
Smávvafuođđuid dilli
– Dán jagáš rievssatlohkan čájehii olu rávis lottiid ja buori čivgama. Ledje gal stuorra báikkálaš erohusat ja muhtin guovlluin ledje uhcit čivgamat, muitala FeFo meahccehálddašeaddji, Christina Bjørkli.
Dán čavčča leat 80 vuosttašgeardde bivdi viežžan nuvttá áigodatkoartta iežaset gielddas.
– Dán čavčča árvvoštallat lasihit bivdokoarttaid logu muhtin bivdoguovlluide. Árvvoštallamis leat mii vuhtii váldán ahte lea ceavzilis hálddašeami rávvagat, rievssatmáddodaga dili ja rievssatbivddu loguid, boazodoalu dálveorohagaid ja guovlluid gos dábálaččat gárdot. Korttaid gávnnat NatureIT siiddus skábmamánu 15. beaivvi tiibmui 13.00 rájes, muitala FeFo meahccehálddašeaddji, Christina Bjørkli.
