-Almmuhus-
-Almmuhus-
KULTUVRA 1917 riikačoahkkinprotokolla lea gávdnon

1917 riikačoahkkinprotokolla lea gávdnon

-

-

Protokolla ilmmai muhtun priváhta árbbečielgadeamis.

– Dát lea illu sáhka ja berre markerejuvvot ja čalmmustahttojuvvot. Dát erenoamáš dokumeantta ferte oažžut guovddáš saji go sámi historjá čallo, cealká Bargiidbellodaga sámediggeáirras John Kappfjell

 

Berre vurkejuvvot bures

Dat vuosttaš čoahkkin gos sámit davvi riikkain deaivvadedje, lei Troandimis 1917:s. Čoahkkima protokolla ilmmai muhtun priváhta árbečielggadeamis, oktan protokollain gávdnojedje maid eará čallosat mat gulle čoahkkimii.

2017:s leat vássán čuohtejagi dán vuosttaš čoahkkima rájes, ja dat čalmmustahtto ávvudoaluin Troanddimis. Bargiidbellodaga sámedikkejoavku oaivvilda dalle leat heivvolažžan čájáhallat dán dokumeantta mii dál lea gávdnon.

– Protokolla ja eará dokumeanttat berrejit registrerejuvvot, digitaliseret ja vurkejuvvot, fágalaš ja sihkkaris vuogi miel, loahpaha John Kappfjell preassadieđáhusastis.

 

 

-Almmuhus-