Muhto ii oktage Norgga davimus fylkkain.
Muhto ii oktage Norgga davimus fylkkain.
Norgga geainnuid alde lea 65 olbmo duššan johtolatlihkohisvuođain ođđajagimánus borgemánu rádjai. Seamma áigodagas diibmá, dušše 93 olbmo.
Dássážii čájehit logut 16 olbmo duššan johtolatlihkohisvuođain suoidnemánus dán jagi, dain ledje 10 almmáiolbmo ja guhtta nissona.
Viđas dáin ledje biilavuoddjit, njealjis ges biillaid mielde, njealjis mohtorsihkkelvuoddjit, okta sihkkelasti, okta njealjejuvllatvuoddji ja okta lei vácci.
Gaskamearálaččat leat maŋimuš viđa jagis 18 olbmo duššan johtolatlihkohisvuođain suoidnemánus, čájehit logut maid Trygg Trafikk lea almmuhan.
Dálá loguid mielde ii galgga oktage leat duššan johtolatlihkohisvuođain Tromssa, iige Finnmárkku geainnuid alde suoidnemánus.
Nordlánddas dušše njealjis johtolatlihkohisvuođain mannan mánus.
