Skuvlagirjerádjosiidda 27 suohkanis juolluduvvo doarjja prošeavttaide mat sáhttet addit ohppiide lohkanmovtta ja buoret lohkangelbbolašvuođa.
– Buorit skuvlagirjerádjosat gos čeahpes bargit sáhttet dagahit mánáid eambbo sáhkkiin girjjiide ja lihkogohtet eambbo lohkat. Skuvlagirjerádjosat leat maid deaivvadanbáikkit. Lean ilus go mii geahččalit loktet skuvlagirjerádjosiid, dadjá oahppo- ja integrerenministtar Jan Tore Sanner preassadieđáhusas.
Doarjja manná suohkaniidda main earret eará lea plána mo skuvlagirjerájus galgá geavahuvvot oahpahusas. Doarjja galgá geavahuvvot gelbbolašvuođaovdáneapmái vai girjerádjosat leat heivehuvvon lohkanmovttidahttimii.
Árra rahčan lohkanmáhttimii
Skuvlagirjerádjosiid doarjja lea oassin ráđđehusa áŋgiruššamis. Prošeavttat meinejuvvon 1.-7- luohkáide leat danne vuoruhuvvon, muhto nuoraidskuvla fátmmastuvvo maid.
– Lean ilus go nu olu suohkanat oidnet ahte skuvlagirjerádjosiin sáhttá leat ávki ja sáhttet dagahit ahte eambbo oahppit oahppagohtet lohkat árabut. Lohkan lea vuođđooahppu man buohkat dárbbahit vai lihkostuvvet oahpuin ja bargoeallimis, dadjá Sanner.
Njeallje jagi áŋgiruššan
Oktiibuot ohce 45 suohkana dan doarjaga, muhto dušše 27:s ožžo. Dán jagáš doarjja lea njeallje jagi áŋgiruššan skuvllain ja álbmotgirjerádjosiin. Sii, geaidda ii juolluduvvon dál, sáhttet ohcat fas doarjaga boahttevaš jagiid. Lea Oahppodirektoráhtta mii mearrida geaidda dát juolluduvvo.
Suohkanat geaidda juolluduvvui doarjja:
Austrheim suohkan
150 000 ruvnno
Birggi suohkan
295 000 ruvnno
Fitjar suohkan
494 500 ruvnno
Førde suohkan
1 000 000 ruvnno
Gjerstad suohkan
350 000 ruvnno
Hársttáid suohkan
600 000 ruvnno
Hitra suohkan
680 000 ruvnno
Hå suohkan
120 000 ruvnno
Kristiansand suohkan
479 440 ruvnno
Lindesnes suohkan
728 000 ruvnno
Rindal suohkan
90 000 ruvnno
Ringsaker suohkan
1 200 000 ruvnno
Skedsmo suohkan
120 000 ruvnno
Sømna suohkan
182 000 ruvnno
Sør-Fron suohkan
435 000 ruvnno
Ráisavuona suohkan
329 000 ruvnno
Romssa suohkan
700 000 ruvnno
Trondheim suohkan
2 134 000 ruvnno
Trøgstad suohkan
257 000 ruvnno
Tønsberg suohkan
1 000 000 ruvnno
Verdal suohkan
730 000 ruvnno
Hápmira suohkan
70 000 ruvnno
Lørenskog suohkan
600 000 ruvnno
Nes suohkan, Akershus
550 000 ruvnno
Sande suohkan
106 400 ruvnno
Sør-Odal suohkan
750 000 ruvnno
Øygarden suohkan
14 700 ruvnno
Oktiibuot
Ca 14 mill