Ráđđehus lea dán jagi addán 14 miljovnna ruvnnu skuvlagirjerádjosiidda ovddidan dihtii lohkanmovtta ja lohkanmiela mánáide ja nuoraide.
– Buorit skuvlagirjerádjosat gos leat čeahpes bargit, sáhttet veahkkin oahpahussii, veahkehit mánáin boktit sáhkkiivuođa girjjiide ja addit lohkanmiela, lohká máhtto- ja integrerenministtar Jan Tore Sanner (H).
– Ráđđehusvuođus lohpideimmet nannet girjerádjosiid, ja dál mii addit. Girjerádjosat dahket buori barggu šaddat ealli viessun, mii ovddida lohkanilu, ja deaivvadanbáikin ságastallat ja digaštallat, stoahkamii ja searvevuhtii. Dálá diehtojuohkinservvodat lea jáhkkimis deháleappot go ovdal, geahččalit faŋuhit oahpu, ja dasa leat skuvlagirjerádjosiin dehálaš rollat, lohká kulturministtar Trine Skei Grande.
Doarjaga sáhttá atnit gelbbolašvuođaovdánahttimii ja personálaresurssaide mat buoridit lohkanilu ja movtta, čállá ráđđehus sin neahttasiiddus.
