NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
Válgabiire: Nuortaguovllu válgabiire
Bellodat: Sámiid Álbmotlihttu
Namma: Yrja Hammer
Ahki: 46
Siviiladilli: Ovttasássi
Eatnigiella/giella: – Dárogiella, human dađibahábut dušše dárogiela
Beroštumit:
Makkár astoáigedoaimmat leat dus?
–Duddjon veaháš, bearáš, bivdu, guolásteapmi ja mu malamute beatnagat.
Mii lea dat stuorámus maid leat vásihan eallimis?
– Šaddat eadnin viđá rámálmas niidii!
Maid dagat go áiggut vuoiŋŋastit?
– Vuolggán meara nala, váccán fiervvá, dagan dola ja ovttastalan bearrašiin.
Gii lea du stuorámus ovdagovva ja manne?
Evttohas ii leat vástidan gažaldaga.
Bargu ja oahppu
Maid don barggat dál ja makkár barggut leat dus ovdal leamašan? Makkár oahppu lea dus?
– Barggan aktivitevran Davvesiidda gielddas. Lean rievtti mielde juogalágan buđet, gii bargá buot. Lean bargan boasttas, buohcciviesus, buhcciidruovttus, gilvvagárddis, gávpemielbargin, čállin dearvvašvuođasuorggis, boazodoalus ja guolásteaddjin.
– Oahppu lea mus gilvvagárddebargiskuvllas ja fuolahusfágabargin, muhto in ollen gárvvistit oahpuid go ožžon mánáid ja dat lei munnje deháleappo.
Politihkalaš duogáš
Makkár bellodagaid leat don ovddastan? Leatgo leamašan sámediggeáirras?
– Miellahttu ja luohttevašolmmoš Sámiid Álbmotlihtus 2014 rájes.
Váibmoáššit
Makkár áššiide áiggut bidjat fokusa?
– Guolásteapmi lea mu váimmu lagamusas, muhto áiggun garrasit bargat buot áššiiguin mat gullet Sápmái, nu movt giella, kultuvra, biras, boraspiret, skuvla ja dearvvašvuohta.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
Evttohas ii leat vástidan gažaldahkii.
Čilge manne/ manne eai galggašii minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Otná ruvkkedoaimmat leat unnán birasseasti ja billistit mávssolaš guohtoneatnamiid boazodoalus. Árvvoštalan áššis áššái.
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
Evttohas ii leat vástidan gažaldahkii.
Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit/ álgit ealáhusain?
– Addit doarjaga álggaheapmái ja ođđa investeremiidda.
Mii lea dat stuorámus hástalus guolástanealáhusas Sámis? Maid sáhttá Sámediggi dahkat nu ahte dat unnimus doalut maid sáhttet birgejumi viežžat guolásteamis?
– Sihkkarastit ahte nuorat besset álgit, ja addit doarjaga loana ja ruhtadoarjaga bokte oastin dihtii fatnasa ja eari. Lea erenoamáš dehálaš ahte dat unnit riddofatnasat bisuhuvvot. 2 Joavku ferte vuoruhuvvot.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Sámegiella livččii galgan leat geatnegáhtton sámi hálddašanguovlluin. Guovlluin olggobealde, livččii sámegiella galgan leat válljenfágan.
Makkár ođđa bargosajiid lea dehálaš vuoruhit čuovvovaš áigodagas?
Evttohas ii leat vástidan gažaldahkii.
Guhte ášši lea čuohcan dutnje eanemusat ja manne?
– Guolásteapmi lea álo leamaš mu váimmu lahka, ja lean ovttasássi šárkaguolásteddjiin gos lean leamaš oassin veagas. Oainnán hástalusaid hui čielgasit. Otná politihkka ii láže dili riddofatnasiidda muhto stuorakapitálii.
