Guovtti válgabiirres lei badjel 75 proseantta válgaoassálastin.
Oktiibuot leat 20 541 olbmo Sámedikki jienastuslogus, ja 68,5 proseantta dain oassálaste válggain.
Ávjovári válgabiirres lei stuorámus válgaoasálastin. Oktiibuot 75,6 proseantta 3768 jienasteaddjis oassálaste sámediggeválggaide.
Maiddái Nuortaguovllu válgabiirres oassálasttii badjel 75 proseantta jienasteddjiin. Doppe leat 2556 jienasteaddji, ja dain serve 75,3 proseantta sámediggeválggaide.
Gáiseguovllus unnimus válgaoasálastin
Gáiseguovllus lei unnimus válgaoassálastin, 62,7 proseantta 3136 olbmos jienastedje sámediggeválggain.
Eará válgabiirriin ledje logut veahá badjelis. Lulli-Sámi válgabiirres oassálaste 67,5 proseantta jienasteddjiin, Lulli-Norgga válgabiirres 65,2 proseantta, Viesttarmeara válgabiirres 65,3 proseantta ja Davveguovllu válgabiirres ges 64,4 proseantta.
Dáid dieđuid leat čohkken valgresultater.no neahttasiidduin.
