Ráđđehus lea juolludan soahpamušaid máŋgga gaskkas main stáhta oastá girdiruvttodatbálvalusaid. Johtalusministtar dadjá ahte fálaldat hálbu.
– Dainna šiehtadusain mii čájehit ahte mii leat jođus olahit ráđđehusa áigumuša ahte oažžut hálbbit girdibileahtaid FOT-ruvttuide. Buot johtolagain maidda dat šiehtadusat gusket, unniduvvojit máksomearit eanemusat beliin, dadjá johtalusministtar Jon-Ivar Nygård (Bb) preassadieđáhusas.
FOT-ruvttot leat girdiruvttot maid ii leat gávppálaččat gánnáhahtti doaimmahit, ja gos stáhta máksá girdifitnodagaide sihkkarastin dihtii buori girdifálaldaga. Eanaš oassi dain ruvttuin leat Vestlánddas ja Davvi-Norggas.
Cuoŋománus almmuhii ráđđehus gilvvu girdiruvttuid doaimmaheami birra cuoŋománu 1. b. 2024-31. golggotmánu 2027/2028. Guđa ruvttos lea sihke Widerøe ja Danmárkku DAT buktán fálaldagaid.
Dál lea čielggas ahte Widerøe válljejuvvo jođihit ruvttojohtolagaid Leavnnja-Romsa, Ánddásuolu-Bådåddjo ja Ánddásuolu-Romsa, ja vel Hárstták/Narviika-Bådåddjo ja Hárstták/Narviika-Romsa.
DAT galgá seammás jođihit Plassje-Oslo, Florø-Oslo ja Stord-Oslo ruvttuid.
