-Almmuhus-
-Almmuhus-
OĐĐASAT Widerøe heaittiha 4.000 girdima -čuohcá Davvi-Norgii

Widerøe heaittiha 4.000 girdima -čuohcá Davvi-Norgii

-

-

Girdifitnodat Widerøe geahpida 15 proseanttain sin girdinfálaldaga oanehisgirdišiljuid fálaldagas. Dát čuohcá erenoamážit Evenášši girdinfálaldahkii.

Widerøe hálddahusdirektevra Stein Nilsen muitala fitnodat lea vártnuhis dilis, ja dan sivas sii šaddet geahpehit sin fálaldaga boaittobealde báikkiin. 

– Mii diehtit boađus geahpidemiin lea ahte fievrrideami standárda doaresbeale báikkiin ii boađe gokčat mátkkošteami dárbbuid. Aŋkke mis ii leat eará vejolašvuohta, dadjá Nilsen preassadieđáhusas.

Sivva manne šaddet geahpehit sin fálaldaga lea go divadat lea lassánan  jagiid mielde, norgga ruvnno árvonjiedjan ja ahte oppalaš márkanovdáneapmi Norggas lea dagahan stuorra hástalusaid gánnihahttivuhtii, dieđiha fidnodat.

Geahpideapmi girdinfálaldagas Davvi-Norggas

Rievdamušat leat doaimmas miessemánu 4.beaivve rájes. Lea erenomážit Evenášši mii boahtá gillát, go fidnodat heaittiha sin girdiruvtto Bådåddjui ja Ánddanjárgii. Dasa lassin geahpiduvvot girdifálaldagat Romssas, Áltái, Hámmárfestii, Čáhcesullui, Muoffái,  Brïennei ja Spoalavuollái.

– Mis leat ságastallan Johtalusdepartemeanttain, ja min ávžžuhus lea ahte eanaš dáin ruvttuin váldet sisa stáhta girdinfálaldahkii, dadjá Nilsen.

- Advertisement -
-Almmuhus-