-Almmuhus-
-Almmuhus-
OĐĐASAT Vuosttaldit bargoeallin­kriminalitehta

Vuosttaldit bargoeallin­kriminalitehta

-

-

Ráđđehus evttoha sirdit vearrobearrama Vearroetáhttii. Dat nanne bargoaddibearráigeahču ja addá buoret vejolašvuođa vuosttaldit bargoeallinkriminalitehta ja čáhppes ekonomiija. Vearrobearran galgá ásahuvvot 56 báikái miehtá riikka.

– Ráđđehus áigu garrasit vuosttaldit bargoeallinkriminalitehta ja čáhppes ekonomiija. Mii eat dohkket ahte kriminála ja lobihis aktevrrat galget beassat laskat. Mii galgat vuosttaldit lobihis ealáhusaid, dadjá ruhtadanministtar Siv Jensen (OvB) preassadieđáhusas.

Bargoaddibearráigeahčču mearkkaša ahte eiseválddit besset dárkkistit raporterejit ja mákset go fitnodagat rivttes vearu ja bargoaddidivada bargiid ovddas.  Váilevaš dahje eahpedievaslaš dárkkisteapmi sáhttá dagahit stuorit vára gilvobotnjašupmái.    

 Vearrobearrama sirdet

Bargoeallinkriminalitehta ja čáhppes ekonomiija vuosttaldeapmi lea váldoágga sirdimii, muhto ii eisege dat áidna. Vearrobearrama sirdin Vearroetáhttii nanne maid vearromáksiid riektesihkarvuođa ja sihkkarastá ovttaárvosaš meannudeami dakkár áššiin.

– Ii galgga nu ahte vearromáksi dárbbaša ballat vealahuvvomis, sorjavaš das man suohkanis son ássá, dadjá Jensen.

Sirdin mearkkaša ahte šaddá álkit dilli vearromáksiide,  ja servodat seastá dainna 370 miljovnna ruvnno jahkásaččat. 

Ráđđehus áigu ásahit vearrobearrandoaimmaid 56 báikái Norggas, gos Vearroetáhtas juo leat kantuvrrat. Nie ráhkadat mii nana gelbbolašvuođabirrasiid ja ásahat stáhtabargosajiid miehtá riikka, maiddái dakkár guovlluide mat leat olggobealde stuoragávpogiid. Oslo-guovlu ii oaččo nu ollu bargosajiid, ja guhkitáiggi vuollái galget resurssat eanet juohkásit eará guovlluide riikkas. 

-Almmuhus-