Sámedikki bargiidbellodat čállá preassadieđáhusastis ahte son lea duhtavaš go ráđđehus lea sádden gulaskuddamii viiddidit hálddašanguovllu.
Sámedikki bargiidbellodat čállá preassadieđáhusastis ahte son lea duhtavaš go ráđđehus lea sádden gulaskuddamii viiddidit hálddašanguovllu.
Gieldda- ja ođasmahttindepartemeanta lea sádden gulaskuddamii evttohusa čáhkkehit Árborddi, sámegiela hálddašanguvlui.
– Lean duhtavaš go viimmat sáddejuvvo gulaskuddamii. Máttasámiid giella lea áitojuvvon ja lea oassin Árborddi suohkanis. Šaddat oassin hálddašanguvlui šattašii positiivan máttasámegillii, lohká Bargiidbellodaga Sámediggeáirras Johan Kappfjell.
Várrejuvvo ruhta stáhtabušeahtas
Árborddi gielddastivra mearridii diibmá sáddet ohcama beassat sámegiela hálddašanguvlui. Dál lea 10 gieldda hálddašanguovllus, ja Árbordi šattašii goalmmát gielda máttasámi guovllus, čállá Bargiidbellodat.
– Min vuordámušat lea ahte Árbordi beassá mielde, ja ahte reviderejuvvon stáhtabušeahtas lea giđđat várrejuvvon ruhta ovdánahttit ja vitaliseret máttasámegiela Árborddis, loahpaha John Kappfjell.
