Karen Anne Buljo lea evttohan ahte Ávvira juovlafuomášupmi geigejuvvo Ante Guttormsenii, Mázes.
Go riŋgen sutnje, de lea son Gironis Ruoŧas ja áigu doppe ávvudit juovllaid. Muitalan ahte mun riŋgen sutnje danne go muhtin lea su evttohan árgabeaisáŋgárin ja mis lea skeaŋka man háliidan sutnje geiget, de son váimmolaččat boagusta ja dadjala:
– Vuoi man somá ja hui «koselig»!
Karen Anne Buljo lea evttohan ahte Ávvira juovlafuomášupmi geigejuvvo Ante Guttormsenii, Mázes.
– Evttohan Ante Guttormsenii, Máze gilisearvvis, addit juovlafuomášumi, čállá Buljo ja čilge ahte oaivvilda son ánssáša dan dan barggu ovddas maid bargá Máze gili ovddas. Giláš lea álo áitojuvvon nohkkot ja ain áitojuvvo, čállá Buljo.
Áŋgiris váhnemat
– Mus lei áhčči gii lei hui áŋgiris olmmoš. Son lei dáiddár, politihkar ja barggai «Álttá-áššiin». Mun lean iežan váhnemiid oaidnán go bajásšadden ja lea várra stuora sivva manne mun lean nu movt lean, jurddašallá Ante.
– Buohkat leat čeahpit
– Mun liikon hui bures deaivvadit olbmuiguin min gilis, lea unna giláš ja lea álki oanidit ahte dáppe leat buohkain fálaldagat maid sáhttet addit ja buohkat mearkkašit juoidá min gilážii, lohká Ante.
– Háliidan giitit buohkaid
– Mus han leat mánat ja álo ii heive ahte searvvan bargguide ja danne mun háliidan giitit buohkaid geat veahkehit, lohká Ante vel.
