Guovttis dolvojuvvuiga dearvvašvuođaguovddážii.
Muhtin biila gárttai badjelgeainnu Sáttováris, Deanu gielddas maŋŋebárgga eahkeda diibmu 23.30.
– Heahteetáhtat manne lihkohisvuođabáikái Sáttováris. Muhtin biila lei gártan badjelgeainnu ja jorran robi ala, dieđiha Finnmárkku politiijaguovlu Twitteris.
Biillas ledje guokte olbmo go lihkohisvuohta dáhpáhuvai.
– Guktot leigga beassan olggos biillas, eaba ge orron roasmmehuvvan. Soai dolvojuvvuiga dearvvašvuođaguovddáža áicamii, muitalit politiijat.
Gádjunbiila lea viežžan biilla lihkohisvuođabáikkis ja politiijat leat dutkagoahtán ášši.
