-Almmuhus-
OĐĐASATVuittii miljovnna ruvnno

Vuittii miljovnna ruvnno

Váldodoaimmaheaddji

-

-

– Giitu jáhkkemeahttun buori ođđajagiskeaŋkka ovddas, dadjá Porsáŋggu nisu gii gaskavahku eahket vuittii miljovnna ruvnno Viking Lotto spealus.

Norsk Tipping muitala ahte Porsáŋggu nisu lei buore mielas odne eahket go sii riŋgejedje sutnje muitalit miljon-vuoittu birra.

Hirpmástuvvan nisu muitala Norsk Tippingai ahte son láve vahkkosaččat speallat Viking Lotto, ja lea ovdal vuoitán smávit vuoittuid, muhto ii lahka ge nu olu go gaskavahku eahket vuittii.

Nisu ii hálit ahte su namma almmuhuvvo.

Guokte vuoiti

2019 vuosttaš vahkku ii vuoitán oktage Viking Lotto váldovuoittu, muhto ledje njealjis geat vuite nubbin stuorámus vuoittu. Guovttis sis leigga ge norgalačča, Porsáŋggu nisu ja vel nubbi nisu gii orru Lørenskogas.

-Almmuhus-