Sámediggi bidjá olles njukčamánu dievasčoahkkima meannudit Duohtavuođa- ja soabahankommišuvnna raportta sisdoalu.
Dievasčoahkkin álgá disdaga njukčamánu 5. beaivvi ja loahpahuvvo bearjadaga. – Duohtavuođa- ja soabahankommišuvnna raportta meannudeapmi šaddá historjjálaš dáhpáhussan Sámedikki dievasčoahkkimis, ja dat stuorámus eaŋkilášši maid Sámediggi dán rádjai lea meannudan. Sámediggeráđđi ovddida oktiibuot gávcci ášši gieđahallamii main leat mearkkašumit raportii, dieđiha Sámediggi preassadieđáhusas.
Duohtavuođa- ja soabahankommišuvnna raportta meannudeami oktavuođas šaddá Sámedikkis viiddis kultuvrralaš prográmma:
Dáiddačájáhus “Duohtavuohta ja soabaheapmi”
Duohtavuođa- ja soabahankommišuvnna raportta lohkan
Lávostallan – vuostáiváldin dollagáfiin lávus
Erenoamáš dánsačájáhus
Emil Kárlsen konsearta
Ofelastimat
Nissonbeaivvi čalmmusteapmi
