Unna visoš bulii gutnan Juovlavuonas Deanus. Olmmoš gii ásai viesus dieđihii ieš buollima birra.
Bearjadaga eahkeda buollái unna visoš Juovlavuonas Deanus. Lei olmmoš ieš gii orui viesus gii dieđihii buollima birra. Politiijat dieđihit ahte go buollinveahka ollii báikái de viessu lei ollásit buollimin ja dan ii lean vejolaš gádjut. Eai ballan ahte buollin leavvá eará viesuide.
– Viesu ii lean vejolaš gádjut. Politiijat leat geargan báikkis. Mii leat álggahan taktihkalaš ja teknihkalaš dutkama čielggadit manne viessu buollái ja mii geavai, dieđiha Finnmárkku politiija Twitteris.
