Elrávdnjedoaimmahat galgá dutkat lei go elrávdnjesivva mii dagahii buollima.
Bearjadat ija diibmu guovttis bođii politiijaide diehtu viessobuollima birra Láhpoluobbalis Guovdageainnus. Dieđiheaddji muitalii politiijaide ahte viessu lei duođas buollime.
Boares oahpaheaddjiviessu
Politiijat ja buollinčáskadanveahka vuoddjái jođánit dán báikái, mii lea birrasiid 4 miilla Guovdageainnus.
– Eai leat makkárge dieđut mat muitalit ahte doppe ledje olbmot, go dieđiheaddji lei geahččalan čoalkkuhit vissui, muitala Oarje-Finnmárkku politiguovllu operašunjođiheaddji Jan-Olav Schjølberg Ávvirii. Son muitala ahte viessu lea boares oahpaheaddjeviessu dán gilism, eai ge doppe galgan orrume dál olbmot sin dieđu mielde.
Elrávdnjekábelis dolat
Viessu bullii gutnan. Dál álget dutkat viessobuolima, ja álget maid dutkat leaigo elektruvnnalaš sivva.
– Politiijat oktan elrávdnjedoaimmahus áigot dutkat manne viessu buollái. Elrávdnjedoaimmahat lea mielde dutkamis danen go dieđiheaddji logai oaidnán elrávdnjekábela russume dola.
Bulii gutnan
Golmma áigge dieđihedje politiijat ahte viessu lei buollán visot, ja čáskadeaddjit ledje vel sihkkarastime vai eará viesut eai buollá.
