Sotnabeaivvi lei muhtin gurpan eará olbmuid bohccuid Oarje-Finnmárkkus go eallu lei gárddis. Dál dieđiha boazoeaiggát iežas áigut váidit ášši.
Sotnabeaivvi lei muhtin gurpan eará olbmuid bohccuid Oarje-Finnmárkkus go eallu lei gárddis. Dál dieđiha boazoeaiggát iežas áigut váidit ášši.
Boazopolitiijat leat gažadan su gii galgá leat gurpan bohccuid mannan sotnabeaivvi, ja lea čilgen boazopolitiijaide ahte ii lean suoládan, muhto lei čatnan bohcco gitta vai ii mana sin ellui. Bohccot ledje gurpon lávččiin gitta mas lei namma, ja boazopolitiijat leat gažadan albma geassá lávži gullá, čállá NRK Sápmi. Boazopolitiijat dieđihedje boazoeaiggádiidda, geaid mearkkas bohccot leat ahte sis lea vejolašvuohta váidit ášši.
Boazoeaiggát áigu váidit
NRK Sámi dieđuid mielde de áigu boazoeaiggát odne beaivvi mielde váidit ášši politiijaide. NRK Sápmi lea hállan boazoeaiggádiin, guhte duođašta ahte son áigu váidit boazogurpanášši politiijaide. Boazoeaiggát čuoččuha ahte sotnabeaivvi galgá ránnjásiidda boazodoalli čatnan murrii su bohcco doaresbeallái čihkosii, go Oarje-Finnmárkku orohagat ledje gárddástallamin. Nuppi bohcco galgá ges dohppen girtnos ja dolvon sin latnjii.
